Les mots surlignés font l'objet d'une note
1Monseigneur, javois chargé maistre Migot après quil auroit faict le paiement de la
2compaignie du sieur Julles Centurion, de passer à Grenoble et vous payer de
3voz estatz (sur la somme de quatre mil livres dont monsieur le tresorier est assigné
4pour le present quartier de juillet, aoust et septembre sur la recepte generalle)
5pour six moys, mais ne sestant faict aucune monstre à raison que vous escrivistes
6aux commissaire contrerolleur de suproceder pour quelques quinze jours, il sen
7est venu pour me le faire entendre ; ce qui a esté cause que ayant trouvé
8lhuissier Hucher, present porteur, je lay chargé de ce petit mot de lettre
9et du mandement pour le faire signifier et ayant receu la partye vous
10fournir lesdits mil livres deubtz pour les six mois de vostre estat, à quoy
11monseigneur, il vous plaira tenir la main pour eviter à toutes longueurs
12et afin que dun mesme moyen jaye dequoy payer la compaignie du sieur
13Julles Centurion qui doit quasi tous les quatre moys passez plus
14les six moys, ce que je ne pourrois faire autrement. Surquoy
15je feray fin, après avoir presenter mon très humble service avecq mes très afectionnées
16recommandations à vostre bonne grace, priant Dieu vous donner
17Monseigneur en parfaicte santé heureuse et longue vye. A Lyon,
18le XVe aoust 1572
19Vostre très humble et très obeissant serviteur
20Hardy